Ganga Tera Paani Amrit – Ganga Tera Paani Amrit Song Lyrics

This Bollywood drama movie was released in the year 1971. The star cast of the film includes Narendra Nath, Nirupa Roy, Master Satyajeet, Shatrughan Sinha, Yogita Bali and Navin Nischol in pivotal roles.

Album: Ganga Tera Paani Amrit

Song: Ganga Tera Paani Amrit


Lyrics

Ganga tera paani amrit jhar-jhar bahata jaaye
Yug-yug se is desh ki dharati tujhase jeevan paaye
Ganga tera paani …

Door himaalay se tu aai geet suhaane gaati
Bastee-basti parvat-parvat sukh-sandesh sunaati
Teri chaandi jaisi dhaara meelon tak laharaaye
Ganga tera paani …

Kitane sooraj ubhare-duube ganga tere dvaare
Yugon-yugon ki katha sunaayen tere bahate dhaare
Tujhako chhod ke bhaarat ka itihaas likha na jaaye
Ganga tera paani …

Is dharati ka dukh-sukh toone apane beech samoya
Jab-jab desh gulaam hua hai tera paani roya
Jab-jab ham aazaad hue hain tere tat muskaaye
Ganga tera paani …

Kheton-kheton tujhase jaagi dharati par hariyaali
Fasalen tera raag alaapen jhoome baalee-baali
Tera paani pi kar mitti sone mein dhal jaaye
Ganga tera paani …

Tere daan ki daulat oonche khalihaanon mein dhalati
Kushiyon ke mele lagate mehanat ki daali phalati
Lahak-lahak kar dhoom machaate teri god mein jaaye
Ganga tera paani …


 

Share on Social Medias:

Share on facebook
Share on reddit
Share on twitter
Share on linkedin
Share on pinterest
Share on stumbleupon
Share on whatsapp
Share on print