Jagriti (1954) – Ham Laye Hain Tufan Se Kashtee Nikal Ke Song Lyrics

Jagriti is a trend-setter film released in 1954 directed by Satyen Bose. It helped in changing the education system to a great extent, especially those in boarding schools. It was based on a Bengal film entitled Paribartan. It won the Filmfare Best Movie and Best Supporting Award for Abhi Bhattacharya.

Album: Jagriti (1954)

Song: Ham Laye Hain Tufan Se Kashtee Nikal Ke

Lyrics

Paase sabhee ulat gaye dushman kee chal ke
Akshar sabhee palat gaye bharat ke bhal ke
Manjil pe aaya mulk har bala ko tal ke
Sadiyo ke bad phir ude badal gulal ke
Ham laye hain tufan se kashtee nikal ke
Iss desh ko rakhana mere bachcho sambhal ke
Tum hi bhavishhya ho mere bharat vishal ke
Iss desh ko rakhana mere bachchon sambhal ke

Dekho kahee barbad na hove yeh bagicha
Isako hriday ke khun se bapu ne hai sincha
Rakkha hai yeh chirag shahido ne bal ke, iss desh ko…

Duneeya ke danv pench se rakhana na vasta
Manjil tumharee dur hai lamba hai rasta
Bhatka na de koyee tumhe dhokhe me dal ke, iss desh ko…

Atom bamon ke jor pe ainthi hai yeh duneeya
Barud ke ik dher pe baithee hai yeh duneeya
Tum har kadam uthana jara dekha bhal ke, iss desh ko…

Aaram kee tum bhul bhulayya me na bhulo
Sapno ke hindolo pe magan hoke na jhulo
Abb wakt aa gaya hai mere hansate huye phulo
Utho chhalang mar ke aakaash ko chhu lo
Tum gad do gagan pe tiranga uchhal ke, iss desh ko…