Naach Ghar – Tere Shaharo Se Raaja Hame Ban Hee Bhale Song Lyrics

This Bollywood movie was released in the year 1959 and was directed by Mr R.S Tara under the banner of Kwality Pictures. The star cast for the film is inclusive of Ashok Kumar, Anoop Kumar, Shobha Khote, Gopi Kishen and Helen in pivotal roles.

Album: Naach Ghar

Song: Tere Shaharo Se Raaja Hame Ban Hee Bhale

Lyrics

(Tere shaharo se raaja hame ban hee bhale
Vaha chain se toh sote the sitaaron ke tale
Tujhako bhee dekh liya shahar bhee tera dekha
Jagamagahat kee har ik tah me andhera dekha
Aish karate hain tere shahar me daulatavaale
Aur phankon ke sitam sahate hain mehanatvaale
Tere shahaaro me jaban jhuthee hai, dil khote hain
Bildinge unchee hain, insaan bahut chhote hain
Tere shaharo se…

Shor itana hai kee dil kee bhee sada kho jaaye
Bhid aisee hai ke khud apana pata kho jaaye
Ishkvaalo ko yaha rasme wafa yaad nahee
Husn ko husn kee sharmo haya yaad nahee
Jism se ruh ka hai bair tere shaharo me
Najar aate hain sabhee gair tere shaharo me
Tere shaharon se…

Tune jo dhang nikale hain ve bedhange hain
Kapada bunatee hai mil phir bhee badan nange hain
Galla chhup jata hai dhanavano ke tahakano me
Lakhon mar jaate hain tapate huye maidaano me
Bhukhe futapatho pe sote hain tere shaharo me
Log insaaf ko rote hain tere shaharo me
Tere shaharo se…

Kahee bhaasha ka jhagada hai toh kahee praant ka hai
Kahee naslo ka hai fasaad toh kahee jaat ka hai
Aman aur chain ka hai saaya nahee inn raaho me
Dadhiya chotiya takaratee hain chauraaho me
Tere shaharo me mohabbat ka pata kya dhundhe
Aadamee tak nahee milata hai khuda kya dhundhe
Tere shaharo se…

Tumane raket kee madad le ke sitaare dekhe
Maut ke munh me hain dukh dard ke maare kitane
Daane daane ko tarsate hain bechaare kitane
Yahee tahjib hai shaharo kee toh jangal achchhe
Jo har ik ghar pe barasate ho woh baadal achchhe
Tere shaharo se…