Naach Ghar – Tere Shaharon Se Raja Song Lyrics

This Bollywood movie was released in the year 1959 and was directed by Mr R.S Tara under the banner of Kwality Pictures. The star cast for the film is inclusive of Ashok Kumar, Anoop Kumar, Shobha Khote, Gopi Kishen and Helen in pivotal roles.

Album: Naach Ghar

Song: Tere Shaharon Se Raja

Lyrics

(Tere shaharon se raja hame ban hee bhale
Vahan chain se toh sote the sitaron ke tale

Tujhako bhee dekh liya shahar bhee tera dekha
Jagamagahat kee har ik tah me andhera dekha
Aish karate hain tere shahar me daulatavale
Aur phankon ke sitam sahate hain mehanat vale
Tere shaharon me jaban jhuthi hai dil khote hain
Bildingen unchee hain insaan bahut chhote hain
Tere shaharon se…

Shor itana hai kee dil kee bhee sada kho jaye
Bheed aisee hai ke khud apana pata kho jaye
Ishk valon ko yahan rasm-e-vafa yaad nahee
Husn ko husn kee sharm-o-haya yaad nahee
Jism se rooh ka hai bair tere shaharon me
Najar aate hain sabhee gair tere shaharon me
Tere shaharon se…

Toone jo dhang nikale hain ve bedhange hain
Kapada bunati hai mil phir bhee badan nangen hain
Galla chhup jata hai dhanavanon ke tahakanon me
Lakhon mar jate hain tapate hue maidanon me
Bhookhe futapathon pe sote hain tere shaharon me
Log insaf ko rote hain tere shaharon me
Tere shaharon se…

Kaheen bhasha ka jhagada hai toh kaheen prant ka hai
Kaheen naslon ka hai fasad toh kaheen jat ka hai
Aman aur chain ka hai saya nahee inn rahon me
Dadhiyan chotiyan takarati hain chaurahon me
Tere shaharon me mohabbat ka pata kya dhundhen
Aadami tak nahee milata hai kuda kya dhundhen
Tere shaharon se…

Tumane raket kee madad le ke sitare dekhe
Maut ke munh me hain dukh-dard ke mare kitane
Dane-dane ko tarasate hain bechare kitane
Yahee tahajeeb hai shaharon kee toh jangal achchhe
Jo har ik ghar pe barasate hon woh badal achchhe
Tere shaharon se…)